ក្រោយ​ជោគជ័យលើ bZ4X ថ្មីៗ ក្រុមហ៊ុន Toyota បាននាំយករថយន្ដអគ្គិសនី ២ ម៉ូដែលថ្មីទៀត មកបង្ហាញក្នុង​សន្និសិទរថយន្ដ ២០២៤ នៅប៉េកាំង (Beijing Auto Show 2024) កាលពីពេលថ្មីៗនេះ ដើម្បីពង្រីកខ្លួនក្នុងសង្វៀនឡានអគ្គិសនី។ 

រថយន្ដទាំង ២ ម៉ូដែលនេះ រួមមាន Toyota bZ3C និង bZ3X។​ សម្រាប់ bZ3C ជាការសហការផលិតរួមគ្នាពី Toyota, BYD Toyota EV Technology co, FAW Toyota Motor co, Intelligent ElectroMobility R&D Center (IEM ពី Toyota) ជាមួយនឹងការប្រើប្រាស់ concept "Reboot" ដែលរចនារថយន្ដជាប្រភេទ crossover BEV ឲ្យសមស្របទៅនឹងអតិថិជនជំនាន់ថ្មី (particularly the GenZ)។ 

សម្រាប់ម៉ូដែល bZ3X ជាការសហការគ្នារវាង Toyota, Guangzhou Automobile Group co, GAC Toyota Motor co, និង IEM ពី Toyota ជាមួយនឹងការរចនាជា concept "Cozy Home" ប្រភេទជារថយន្ដគ្រួសារ SUV BEV ដែលមានទីធ្លាខាងក្នុងទូលាយ​ និងផាសុខភាព។ 

ម៉ូដែលទាំង ២ ត្រូវបានបំពាក់ជាមួយនឹងប្រព័ន្ធជំនួយការបើកបរទំនើបចុងក្រោយ និងប្រព័ន្ធបើកបរឆ្លាតវៃ ពី Toyota​ (Latest Driver Assistance Systems and Smart Cockpits) ព្រមជាមួយនឹងប្រព័ន្ធបច្ចេកវិទ្យាផ្សេងៗទៀត។ 

សម្រាប់ព័ត៌មានលម្អិតទាក់ទងនឹង spec របស់រថយន្ដទាំង ២ នេះ Toyota នឹងបង្ហាញឲ្យដឹងនៅពេលរថយន្ដចេញលក់ជាផ្លូវការ ដែលនឹងបង្ហាញខ្លួនក្នុងទីផ្សារ ចិន ដំបូងគេ នៅរង្វង់ឆ្នាំក្រោយ​ ​(២០២៥)​ នេះបើតាមការឲ្យដឹងពី electrek ព្រមទាំងត្រៀមបញ្ចេញរថយន្ដអគ្គិសនីម៉ូដែលផ្សេងៗជាបន្ដបន្ទាប់ទៀតស្របទៅតាមទីផ្សារដែលខ្លួននឹងដាក់រថយន្ដទៅ ផងដែរ។ 

គួរបញ្ជាក់ផងដែរថា ថ្វីត្បិតតែរថយន្ដទាំង ២ ម៉ូដែលនេះ ត្រូវបានរចនាតម្រូវទីផ្សារចិន មុនគេ តែវាក៏ជាផ្នែកមួយនៃ គម្រោង  "Multi-pathway approach" ឆ្ពោះទៅរកផែនការកាត់បន្ថយការបំពុលបរិយាកាស "Achieving Zero" និង​ "Beyond Zero" រយៈពេលវែងរបស់ Toyota  និងជាការត្រៀមខ្លួនប្រកួតជាមួយនឹងម៉ូដែលរថយន្ដអគ្គិសនីដែលកំពុងពេញនិយមមកពីក្រុមហ៊ុន ដូចជា BYD និង Tesla ព្រមទាំងក្រុមហ៊ុនដែលទើបតែរះដទៃទៀតផងដែរ។

អត្ថបទ៖ Andra 

ប្រភព៖ Mirage 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!